डिभिजन वन कार्यालयको उद्देश्य र प्रमुख कार्यहरु
डडेल्धुरामा जिल्ला वन कार्यालय स्थापना भए देखि नै यसले जिल्ला भरिको सम्पुर्ण वनहरुको संरक्षण, व्यवस्थापन, जैविक विविधताको संरक्षण, सर्वसाधारण जनतालाई सर्वसुलभ ढंगमा वन पैदावारहरुको आपुर्ति गर्ने काम गर्नुका साथै वनबाट प्राप्त वातावरणिय सेवाहरुबाट यहाँका जनताको जिविकोपार्जनमा टेवा पुर्याउने कार्य गरिरहेको छ ।
क. उद्देश्यहरु
यस कार्यालयको मुल उद्देश्यमा वन क्षेत्रको दिगो/बैज्ञानिक व्यवस्थापन, वन क्षेत्रको रेखाङ्कन, नियन्त्रण र संरक्षण तथा वृक्षारोपण गर्दै वातावरणीय सन्तुलनलाई समेत कायम राख्दै वन सम्पदाको सदुपयोग गरी वन जन्य श्रोतहरुलाई पुनः सिर्जना हुन दिने प्रकृया अपनाउने, आर्थिक दृष्टिकोणले बढी महत्वपूर्ण हुने वन वनपैदावारको दिगो व्यवस्थापन गर्ने र सर्वसाधारणलाई आवश्यक पर्ने काठ, दाउरा, जडीबुटी तथा अन्य वन वनपैदावारको न्यायोचित वितरण गर्ने व्यवस्था मिलाउने हो ।
यस कार्यालयका उद्देश्यहरूलाई बुँदागतरुपमा रुपमा निम्नानुसार प्रस्तुत गरिएको छ ।
- नेपाल सरकार तथा प्रदेश सरकारको वन नीति, नियम एवं निर्देशन अनुसार वनको संरक्षण, सम्वद्र्धन एवं सदुपयोग गर्ने,
- वन संरक्षण, बिकास र ब्यबस्थापन सम्बन्धित तालिम, गोष्ठी संचालन गरी उपभोक्ता समुहहरुमा क्रमशः ठाउँ सुहाउँदो उपर्युक्त प्रविधि हस्तान्तरण गर्दै लैजाने,
- जन सहभागितामा आधारित वन बिकास कार्यक्रम संचालन गर्ने र संस्थागत बिकासमा टेवा पुर्याउने,
- सर्वसाधारण जनतालाई दैनिक आवश्यक पर्ने वनपैदावारहरु (काठ/दाउरा) आदि आपूर्तिका लागि आवश्यक प्रवन्धमिलाउने,
- निजी वन विकास तथा गैर काष्ठ वन वनपैदावारको व्यावसायिक खेती र ब्यबस्थापनमा जोड दिने,
- वन पैदावारमा आधारित आयमूलक कार्यक्रमबारे प्रचार-प्रसार गर्ने,
- वन्यजन्तु, वन क्षेत्रमा रहेका प्राकृतिक र सांस्कृतिक धरोहरहरुको संरक्षण गर्ने,
- जिल्लाको प्राकृतिक वातावरण तथा जैबिक बिबिधताको संरक्षण गर्ने,
- नेपाल सरकारको नीति बमोजिम विभिन्न कार्यक्रमहरू संचालन गर्ने ।
ख. कार्यहरु
यस कार्यालयका कार्यहरु निम्न बमोजिम रहेका छन् :-
- सरकारकारद्धारा व्यवस्थित वनको संरक्षण, सम्वद्र्धन तथा सदुपयोग गर्ने,
- सरकारी वनको केही भाग पायक पर्ने उपभोक्ता समुहलाई समुह गठन तथा वन कार्ययोजना तयार गरी हस्तान्तरण गर्ने,
- वन विकास, वैज्ञानिक/दिगो वन व्यवस्थापन, जैविक विविधता संरक्षण, वातावरण संरक्षण एवं जलवायु परिवर्तन सम्वन्धि सर्वसाधारण जनतालाई जानकारी गराउने,
- प्रचलित ऐन, नियम र नीति अनुरुप संभाव्य सामुदायिक, कवुलियती, वन संरक्षण क्षेत्र तथा धार्मिक वन क्षेत्रको पहिचान, विकास एवं व्यवस्थापन गर्ने,
- जिल्लामा निजी वन तथा कृषि वन प्रणालीको विकास एवं विस्तार गर्ने र आवश्यक ज्ञान र सीप हस्तान्तरण गर्ने,
- जिल्ला स्तरीय सरकारी, स्थानिय तह र गैर सरकारी संघ/संस्थाहरुसँग समन्वय बिस्तार गरी स्थानियस्तरका वन विकास एवं व्यवस्थापनका कार्यहरुमा सहयोग जुटाउने,
- नेपाल सरकार/प्रदेश सरकारका वनसँग सम्वन्धित ऐन, नियम तथा नीतिहरुको प्रभावकारी कार्यान्वयन गर्ने,
- जिल्ला स्तरिय वन विकास तथा व्यवस्थापन कार्यमा जनसहभागिता जुटाउने,
- जिल्लाको पञ्च वर्षीय वन व्यवस्थापन कार्ययोजना एवं वार्षिक योजना तर्जुमा गरि स्वीकृतिका लागिवन निर्देशनालय/वन विभागमा पेश गर्ने,
- जिल्लामा संचालित वन विकास कार्यक्रमको प्रगती विवरणका साथै अनुगमन प्रतिवेदन वन विभाग, वन निर्देशनालय तथा अन्य निकायमा पेश गर्ने,
- वन विभाग/वन निर्देशनालयले तोकेका अन्य कार्यहरु गर्ने/गराउने,
- वन विकास तथा व्यवस्थापन सम्वन्धि नेपाल सरकारका ऐन, नियम, नीति र निर्देशन कार्यान्वयन गर्ने,
- वन संरक्षण एवं सम्वद्र्धन सम्वन्धि ऐन, नियम र नीतिको संशोधन एवं परिमार्जन गर्न वन विभाग/वन निर्देशनालयलाई सुझाव दिने,
- जिल्लास्तरीय वन विकाससम्वन्धि योजना तर्जुमा एवं कार्यान्वयन गर्न स्थानिय तह लगायत अन्य सरोकारवालासँग समन्वय विस्तार गरी कार्यक्रम संचालन गर्ने ।
